Skáldskapur Barkar Sigurbjörnssonar
Skáldskapur Barkar Sigurbjörnssonar
Börkur Sigurbjörnsson gefur af og til út bækur sem innihalda myndskreyttar smásögur og örsögur. Smásagnasöfnin 999 Erlendis og Talaðu við ókunnuga komu út sumurin 2012 og 2019, örsagnasafnið 52 augnablik kom út fyrir jólin 2017 og þess á milli kom út ljóða- og litabókin Ljóðmyndir.
Bækurnar fást sem kiljur hjá Amazon og Barnes and Noble. Rafækur fyrir ýmis lesbretti, snjallsíma og spjaldtölvur fást hjá Amazon (fyrir Kindle lesbretti), Apple Books og Kobo (fyrir iPhone, iPad, ofl.). Bækur Barkar eru einnig aðgengilegar á Rafbókasafninu og hjá Storytel.
Meðal annars er myndskreytt örsögusafn eftir Börk Sigurbjörnsson. Safnið snertir á fjölbreyttum viðfangsefnum sem hafa verið höfundinum hugleikin undanfarin ár, meðal annars, kvíða, mannlegum samskiptum, náttúru, innhverfu, hundum og yfirnáttúrulegum fyrirbærum.
Talaðu við ókunnuga er myndskreytt smásagnasafn eftir Börk Sigurbjörnsson þar sem sérhver saga segir frá samskiptum við hið ókunna, hvort sem um er að ræða ókunnuga úti á götu, framandi viðhorf eða innhverfar samræður okkar við hinn hulda hluta undirmeðvitundarinnar.
52 augnablik er örsagnasafn eftir Börk Sigurbjörnsson. Sögurnar lýsa augnabliki í hinu daglega lífi, svipta oft hulunni af sérkennilegum sögupersónum eða áhugaverðum atvikum.
Ljóðmyndir er ljóða- og litabók með örsögum inn á milli. Bókin var gefin út í takmörkuðu upplagi fyrir jólin 2016 og gefin vinum og vandamönnum.
Safn smásagna eftir Börk Sigurbjörnsson. Sögurnar flestar eiga rætur sínar í raunveruleikanum og segja sögu Íslendings í útlöndum.
