bið
Myndskreyttar smásögur og örsögur sem sækja innblástur í bið.
Börkur er hræðilega stundvís og ef hann mætir ekki á réttum tíma þá er hann oftast mættur of snemma. Hann hefur þess vegna beðið tímum saman í gegnum tíðina. Þær stundir veita honum innblástur í sögur þar sem sögupersónurnar bíða eftir að eitthvað gerist, bíða eftir strætó, fundi eða hverju sem er.
-
Svar óskast, kannski
Örsaga eftir Börk Sigurbjörnsson. Atvinnuumsækjandi óskar eftir svari frá atvinnurekanda … eða kannski ekki.
-
Kaupsýslumaðurinn sem gaf gítarinn sinn
Smásaga eftir Börk Sigurbjörnsson. Háskólaprófessor bíður eftir tengiflugi á alþjóðaflugvellinum í Bogotá þegar hann dregst inn í samtal við ókunnugan mann sem situr við hlið hans. Prófessorinn er til að byrja með argur yfir trufluninni en fyllist smám saman forvitni um söguna sem sessunauturinn hefur að segja.
-
Norðan nokkurs staðar
Örsaga eftir Börk Sigurbjörnsson. Í stofu situr sögumaður og horfir út í myrkrið. Klukkan telur sekúndurnar af mikilli þolinmæði. Eitthvað er að fara að gerast.
