– Hvað starfarðu?
* Ég bý í sveit.
– Ertu bóndi?
* Já , ég er bóndi. Ég er bóndi.
– Ertu með margt fé?
* Fé? Nei, nei bara svona rétt til að borga í strætó.
– Nei, ég meina hinsegin fé.
* Ha hvernig fé þá.
– Ég meina lítil krullhærð dýr.
* Já dýr. Ég er með fullt af dýrum.
– Og margar kindur?
* Kindur?
– Já, litlu krullhærðu dýrin.
* Já, þú meinar meme. Ég er með mikið af meme.
– Ert þú einnig með nautgripi?
* Nautgripi?
– Já, stóru dýrin sem segja mu.
* Þú meinar mumu. Ég er með fjórar mumu. Þær borða mikið gras.
– Já er það virkilegt?
* Ho ho borðar líka mikið gras en voffvoff borðar ekki gras.
– Ert þú viss um að þú sért bóndi?
* Já auðvitað. En þú, hvað starfar þú?
– Ég ýti á takka, marga takka. Kannski þúsund takka á dag eða kannski milljón.
* Vinnurðu við tölvu?
– Já tölvu. Ég vinn við tölvu.
* Ert þú kannski menntaður tölvunarfræðingur og sérfræðingur á sviði viðskiptahugbúnaðarlausna fyrir smærri og meðal stór fyrirtæki í fiskútflutningi?
– Já akkúrat. Ég er menntaður tölvunarfræðingur og sérfræðingur á sviði viðskiptahugbúnaðarlausna fyrir smærri og meðal stór fyrirtæki í fiskútflutningi.
